Nga 0 në 1.72% e totalit varion shpërndarja e reklamave institucionale për televizionet kombëtare gjatë muajit Dhjetor 2023. Rezultatet e monitorimit për volumin e reklamës publike në televizione, si çdo muaj, janë publikuar në faqen zyrtare të AMA-s, https://ama.gov.al/monitorimi-i-permbajtjeve/ dhe pasqyrojnë përqindjen që zënë reklamat institucionale në volumin e përgjithshëm të reklamave në televizionet kombëtare.
Për muajin e fundit të 2023, Top Channel dhe Tv Klan nuk kanë pasur asnjë reklamë publike. Vizion Plus ka pasur 0.06% të totalit të reklamave të transmetuara ndërsa RTSH1, nga totali i volumit të reklamave, 1.72% kanë qenë institucionale.
Nën monitorim mbahen edhe zëra të tjerë në transmetimet audiovizive si, koha e plotë në minuta dhe përqindje për partitë politike; aktorët sinkron në përqindje për institucionet; temat e lajmit në minuta në radio dhe televizione me licencë kombëtare apo blerësit më të mëdhenj të hapsirës televizive.
Të dhënat janë publike duke i mundësuar kështu çdo individi, grupi interesi, studiuesi etj, mundësinë e informimit në kohë reale të trendeve të transmetimit të OSHMA-ve.
